The Galley by Cafe Proud Wings (已結業)

今日朋友帶左我去左首間航空概念既西餐㕔，門口已經見到機艙既造型，令我更好奇入面既裝修係唔係好似同機艙一樣。原來入面真係有機位座椅，總共有兩座卡位配設機位座椅。環境非常逼真，連一啲只有機上見到既標語都貼左係枱邊。餐廳既另一邊就彷如機場大堂，牆上有航班資訊顯示屏，甚至離港指示牌。到達既時候大約仲有lunch set。我叫燒釀車打芝士雞胸配意粉，雞胸外皮稍為焦香，切開既時候見到雞胸肉好嫩滑多汁。意粉加左橄欖油同香草已經夠惹味。朋友叫左鮮蝦墨魚汁意大利飯。米飯呈現出濃郁粘稠既質感。墨魚汁味道較濃，配以新鮮大蝦已經好惹味。Lunch set仲有餐湯和餐飲，南瓜湯非常香滑creamy，至於檸檬茶茶底香濃。雖然地理位置唔太理想，但餐廳主題夠特別，食物味道都出色，值得一試。