影片
更多
2020-10-10
2787 瀏覽
其實我同我老公喺幾個月前食過呢間餐廳, 嗰次嘅體驗係頗差, 差到我覺得呢間餐廳座落喺呢個咁靚景嘅位置完全嘥晒.嗰餐飯係慶祝我老公生日. 我哋被安排坐喺sofa 嗰邊最埋, 我哋兩個都睇唔倒景嘅位置.我問帶位嗰個侍應可唔可以坐窗口嗰張枱, 佢就話唔得有人book咗, 咁就算啦. 係我衰我冇book窗口位, 因為冇諗住個餐廳嘅室內設計得嗰三兩張枱係對住個景, 同埋諗住佢哋會安排生日嘅客人好小小嘅位㗎嘛..坐咗一陣, 有兩個客人坐低喺我哋隔離嘅6人枱, 擾擾攘攘咗一陣就聽到佢哋同侍應講話佢哋應該係book咗八個人. 帶位嗰個侍應就同我哋講要調我哋去原本佢話有人book咗嘅窗口位, 因為隔離嘅客人要埋我哋個位先夠坐. 佢話book咗窗口嗰個客人啱啱 cancel 咗個booking喎. (前後都冇15分鐘, 一早俾我哋坐窗口位咪好囉😅)食物方面: - 最好味就只有麻辣蜆意粉, 個味幾好, 軟硬度都算啱啱好- 但係其他嗰啲, 材料/味道配搭好奇怪. 你會食得出調味, 煮法各方面係冇技術. 好似將中/西式食物併埋就叫 Fusion.- 例如椰汁鮑魚花膠雞湯, 其實整個清清哋嘅湯都已經好好味, 但係
嗰餐飯係慶祝我老公生日. 我哋被安排坐喺sofa 嗰邊最埋, 我哋兩個都睇唔倒景嘅位置.
我問帶位嗰個侍應可唔可以坐窗口嗰張枱, 佢就話唔得有人book咗, 咁就算啦. 係我衰我冇book窗口位, 因為冇諗住個餐廳嘅室內設計得嗰三兩張枱係對住個景, 同埋諗住佢哋會安排生日嘅客人好小小嘅位㗎嘛..
坐咗一陣, 有兩個客人坐低喺我哋隔離嘅6人枱, 擾擾攘攘咗一陣就聽到佢哋同侍應講話佢哋應該係book咗八個人. 帶位嗰個侍應就同我哋講要調我哋去原本佢話有人book咗嘅窗口位, 因為隔離嘅客人要埋我哋個位先夠坐. 佢話book咗窗口嗰個客人啱啱 cancel 咗個booking喎. (前後都冇15分鐘, 一早俾我哋坐窗口位咪好囉😅)
食物方面:
- 最好味就只有麻辣蜆意粉, 個味幾好, 軟硬度都算啱啱好
- 但係其他嗰啲, 材料/味道配搭好奇怪. 你會食得出調味, 煮法各方面係冇技術. 好似將中/西式食物併埋就叫 Fusion.
- 例如椰汁鮑魚花膠雞湯, 其實整個清清哋嘅湯都已經好好味, 但係佢就整到好似茶餐廳嘅忌廉湯咁, 成碟嘢即刻平咗. 有個部長問我哋意見, 我覺得佢唔係好接受我哋嘅意見, 佢話咁樣係 Fusion 喎.
- 海膽西蘭花燉蛋 - 呢碟真係三樣嘢都唔夾, 啲西蘭花冇調味, 冇汁就咁擺落去. 啲蛋又唔滑. 海膽又唔係話好靚
- 我揀咗和牛 - 基本上未試過覺得和牛係難食
- 差唔多每道菜都有泡?! Presentation 冇咩心思. 全部都係抄人嘅.
- 冇一碟係突顯倒原材料嘅鮮味
服務方面:
- 以上所講嘅坐位問題, 未開始食就覺得’瀨嘢’
- 有幾道菜, 有個男侍應好大力擺低咗就行咗去, 冇介紹. 要另外一個侍應行埋嚟介紹番. 全世界食咗咁多西餐都未試過咁樣
- 個部長唔係好接受意見
環境方面:
- 各方面都咁失望, 好采有得坐窗口咋😅
- 但係我哋坐嗰個位係最近門口嗰個, 所以冷氣唔夠. 嗰陣正正係夏天
- 我嗰位仲要滴埋冷氣機水😳
總括而言:
- 雖然唔係太貴, 但係都係覺得唔值
- 個景咁靚, 真係嘥晒
29 瀏覽
1 讚好
0 留言
28 瀏覽
0 讚好
0 留言
38 瀏覽
0 讚好
0 留言
張貼
