譚仔三哥米線 (福榮街)

營業中

休息中

自己都真係非常之鍾情於依到既麻辣,由一開食小辣,到試哂所有之後就發覺佢既中辣真係一流,好食在於咩呢,因為佢既麻辣味同湯既味夾得岩岩好，依個辣就唔會話搶哂其他味,兩樣野可以共存,，今次就正係要左雞肉加埋金菇同埋依個非常好既中辣,平時會叫埋豆卜,因為豆卜夾埋依到個湯真係好正,豆卜吸哂個湯,味道真係好正,不過今次唔係太想食,所以無叫到,依到既雞肉真係幾鮮甜既,最緊要係有咬口,一開始食雞肉到而家，質素都真係無咩點變,真係幾正既！ 不過依家食三哥真係要睇睇係邊到食喇,好似到到D質素都有D分別,上次係第二到食D雞肉就唔太好食,有少少分別,好似無咩口感咁,反而依到就保持到水準,可能由始至終都係到食喇,所以覺得依到特別好食。