星滙酒家 (已結業)

新一年新開始，初一去屯門置樂花園的家人屋企拜年，打完麻雀，夜晚無煮飯，就一家人浩浩蕩蕩去附近新酒樓食個團年飯😁😁聽講新酒樓質素唔錯，都所以都預左要等，去到嚇左一跳，等位既人排到落樓下，我地無book檯，問知客要等45分鐘左右，好彩住附近，下次要預先reserve定先😂入到去，真係座無虛席，場場爆滿，我地叫左杏汁豬肺湯，炸蝦球等多個菜色（唔係我叫唔知咩名哈哈），全部都抵食夾大件，而且好味唔口乾，值得再去，老闆都好有心思，臨走更送左一碟桔，令我地認真感受到個份節日氣氛！