影片
更多
2017-12-12
201 瀏覽
去尖沙咀搵食，首先浮在腦海既自然是厚福街。地下條食街連埋座美食大廈H8大大話話都有超過40間食肆，要係呢度突圍而出都實在唔易。而今日我同朋友相約去到H8，試下呢度一間新開既歐洲Fusion菜--- Y Show Tasty。環境超闊落，我地大約7點黎到都有幾台客。環境安靜，超級適合情侶黎dinner、談談心。一入門口就見到個開放式Bar counter，飲埋酒更加有氣氛！一坐低有驚喜，見到每個位置上都放著一張小卡片，寫住唔同句子，令我聯想到係外國有d餐廳會為每位客人送上一份lucky biscuit，掰開餅乾裡面會有張小字條寫住今日既運程，呢度既做法就好類近lucky biscuit，睇到張小卡片感覺都幾貼心。餐牌既選擇就唔算好多，都係以精緻為主。我同朋友選擇困難，叫個Set dinner兩個人分就最方便，成SET $598，本身靜係個Main香燒美國頂級肉眼扒就已經要$368，所以計返價錢都合理，而且食物好豐富。綠色的火箭菜口感很脆，味道有d澀，但配上濃稠渾厚既黑醋汁，中和了火箭菜獨有的澀味。水蜜桃切片\香甜多汁。重味既火箭菜同黑醋汁，配上味道溫和既水蜜桃、番茄同水牛芝士，味道配搭得
環境超闊落，我地大約7點黎到都有幾台客。環境安靜，超級適合情侶黎dinner、談談心。
一入門口就見到個開放式Bar counter，飲埋酒更加有氣氛！
一坐低有驚喜，見到每個位置上都放著一張小卡片，寫住唔同句子，令我聯想到係外國有d餐廳會為每位客人送上一份lucky biscuit，掰開餅乾裡面會有張小字條寫住今日既運程，呢度既做法就好類近lucky biscuit，睇到張小卡片感覺都幾貼心。
餐牌既選擇就唔算好多，都係以精緻為主。
我同朋友選擇困難，叫個Set dinner兩個人分就最方便，成SET $598，本身靜係個Main香燒美國頂級肉眼扒就已經要$368，所以計返價錢都合理，而且食物好豐富。
水牛芝士沙律配日本水蜜桃
11 瀏覽
0 讚好
0 留言
綠色的火箭菜口感很脆，味道有d澀，但配上濃稠渾厚既黑醋汁，中和了火箭菜獨有的澀味。水蜜桃切片\香甜多汁。重味既火箭菜同黑醋汁，配上味道溫和既水蜜桃、番茄同水牛芝士，味道配搭得岩岩好。
帶子蟹肉濃湯
14 瀏覽
0 讚好
0 留言
餐湯－，質感非常綿密，入口有濃濃蟹膏味道。湯面上少量既牛油令到整個湯增添了牛奶香味。蟹肉分量雖然唔多，但真材實料。由於個湯味道太出色，粒帶子反而變了承托。
黑松露野菌意大利飯
13 瀏覽
0 讚好
0 留言
呢間既Risotto做得超出色，個質感如Cream般濃郁，飯粒煙煙韌韌有嚼頭。黑松露特殊既香味加上了野菌既鮮味，好有層次。
香燒美國頂級肉眼配野菌汁
8 瀏覽
0 讚好
0 留言
牛扒五成熟，表面睇熟左少少但食落口感剛剛好，大大塊兩個人都好夠食。配菜有番茄仔、花椰菜、燒薯仔、燒蒜頭，新鮮蔬菜經過輕輕燒製，仍然保持了爽脆的口感，如果嫌唔夠味，點一點配搭既野菌汁，清爽蔬菜配上濃郁醬汁特別惹味。
香燒美國頂級肉眼配野菌汁
14 瀏覽
0 讚好
0 留言
切開一睇，牛肉仍是嫩粉紅色，入口唔覺肥膩，爽口得黎都多肉汁，牛味好香濃。完全唔需要點個野菌汁都好夠味。
是日甜品-Cheese Cake
7 瀏覽
0 讚好
0 留言
是日甜品係Cheese Cake，質感好厚，就咁食比較飽滯，好彩配搭切片士多啤梨可以中和一下‘漏’既感覺。
最後兩個人埋單$ 598加一，飽肚得黎食物質素高，而且環境超舒服，所以我覺得係性價比高既！
張貼
