影片
更多
2023-09-07
33 瀏覽
九龍城出名食肆多，我哋想搵間正嘅日本嘢慢慢嘆，經過門面一排藍色魚缸養有龍蝦、活貝，俾佢吸引咗。「牛石料理」主打活海鮮、刺身同燒肉。入座後店員就邀請我去轉幸運輪，絕無取考，唔會轉到歡迎光臨，優惠又唔使留返下次先用得，即轉即中即用，我轉到赤貝一隻，突然有得玩真係覺得幾驚喜。餐廳以木系裝修，大部份都係獨立卡座，另有高枱及吧枱位置，牆上掛滿寫上食物嘅木牌，花多眼亂樣樣都想試，如果真係選擇困難都可以揀食Omakase，交俾大廚幫你諗，另外見到menu有兒童餐都幾得意。我哋一次過落晒order，但都唔會全部上晒枱，會細心等我哋食到咁上下先安排上下一道菜。❀日本生蠔仙鳳趾 $78/1隻率先上枱，肉厚飽滿，入口順滑，甘甜鮮味，好鍾意佢個sauce，凍凍的醬油啫喱，帶點酸酸嘅味道好fresh。❀韓國海膽 (一客) $148上枱好靚，用玻璃盅盛載住，都接近有半板嘅份量，咩都唔加原汁原味食一啖，味道甘甜濃郁，幾乎入口即溶，唔想咁單調又可用紫菜包住慢慢享受。❀澳洲龍蝦兩食 $338(刺身+ 龍蝦湯)⊙刺身原價$638而家做緊特價超抵食，望到隔離幾枱都食緊太吸引，我就即刻order。即撈即劏夠新鮮，原隻龍蝦上枱
餐廳以木系裝修，大部份都係獨立卡座，另有高枱及吧枱位置，牆上掛滿寫上食物嘅木牌，花多眼亂樣樣都想試，如果真係選擇困難都可以揀食Omakase，交俾大廚幫你諗，另外見到menu有兒童餐都幾得意。我哋一次過落晒order，但都唔會全部上晒枱，會細心等我哋食到咁上下先安排上下一道菜。
日本生蠔仙鳳趾
1 瀏覽
0 讚好
0 留言
率先上枱，肉厚飽滿，入口順滑，甘甜鮮味，好鍾意佢個sauce，凍凍的醬油啫喱，帶點酸酸嘅味道好fresh。
韓國海膽 (一客)
1 瀏覽
0 讚好
0 留言
上枱好靚，用玻璃盅盛載住，都接近有半板嘅份量，咩都唔加原汁原味食一啖，味道甘甜濃郁，幾乎入口即溶，唔想咁單調又可用紫菜包住慢慢享受。
澳洲龍蝦刺身
3 瀏覽
0 讚好
0 留言
❀澳洲龍蝦兩食 $338(刺身+ 龍蝦湯)
⊙刺身
原價$638而家做緊特價超抵食，望到隔離幾枱都食緊太吸引，我就即刻order。即撈即劏夠新鮮，原隻龍蝦上枱好搶眼，龍蝦肉晶凝鋪上金箔感覺更矜貴。西澳龍蝦味道比較清甜，入口肉質飽滿有彈性，蘸少少日本豉油同wasabi立即提鮮，食完後會收返龍蝦頭去熬湯。
龍蝦湯
2 瀏覽
0 讚好
0 留言
⊙龍蝦湯
用返本身嘅龍蝦頭熬製，食到尾聲先上枱，濃郁鮮甜。客人都可以加$50轉成龍蝦粥，呢個價錢食到龍蝦兩食性價比極高。
赤貝刺身
6 瀏覽
0 讚好
0 留言
轉輪盤轉到的禮物，原隻赤貝新鮮即開，入口肉厚爽脆，鮮甜有海水味。就正如大廚所講，食貝類刺身就係要食爽口。
壽司盛
4 瀏覽
0 讚好
0 留言
覺得師傅係有掌握我哋食完刺身嘅時間，先開始製作壽司，等我哋可以更好咁享用最佳狀態。十四件壽司用九格木盒呈上，由淡味壽司食起，每件都食得到師傅嘅用心。
⊙真名鰹 (2件)~即係日本鯧魚，肉質柔軟，味道較清。
⊙鰤魚(2件)~即係超過6kg嘅油甘魚，鍾意佢好厚切，入口魚肉緊實，油脂豐富濃郁。
⊙牡丹蝦(2件)~ 鮮爽得帶黏潤嘅口感，味道甘甜。
⊙螺片(2件)~夠大片，肉質爽脆，鮮甜清新。⊙蔥吞拿魚腩蓉反卷 (4件)~一口食晒，滿滿幼滑吞拿魚腩蓉，魚油香配上京蔥絲，口味層次豐富。
⊙吞拿魚腩 (2件)~大拖羅係刺身中嘅極品，油脂比例多，入口即溶勁肥美，味道濃郁，充滿魚油香。
蟹味噌甲羅燒
1 瀏覽
0 讚好
0 留言
蟹蓋盛住滿滿嘅蟹膏，插有兩隻蟹鉗肉，經過磯燒後膏味更濃郁鹹香，綿滑口感夾雜一粒粒脆蟹子，又可配上多士食。
❀白桃梳打 $28
淡淡白桃香味，有汽清爽解喝，唔會話太甜。
水信玄餅、糯米糰子
2 瀏覽
0 讚好
0 留言
❀水信玄餅
呢款日本甜品賣相好靚，一個透明波型嘅果凍，晶瑩到好似水晶球一樣。入口順滑即化，味道清甜，配上黃豆粉及淋上黑糖糖漿食好夾。
❀糯米糰子
一串三粒三隻顏色好可愛，口感黏軟有嚼勁，配上甜甜的紅豆醬。
店員非常親切友善，我哋想店員幫忙影合照，佢哋好樂意仲要打晒燈影，服務勁貼心。大廚更會走出嚟同食客交流，問吓意見，又會分享食材同烹調心得。今次食咗海鮮同刺身好滿足，下次我一定嚟試吓燒肉。
#牛石料理地址：九龍城福佬村道51&53號地舖
張貼
