港城茶餐廳

營業中

休息中

在附近行過小朋友又肚餓所以就過嚟食，結果係少少中伏的感覺，唔係因為佢食物質素好差，而係因為佢的食具衛生實在嚇親我。叫咗碗水餃麵，碗麵上枱其實都OK，只係一打開食具的抽屜，就見到一對對污糟邋遢的筷子， 有些黏着菜葉，有些黏着黑色不知名物體，好嘔心。我搵咗好耐，終於搵到四隻稍為乾淨少少的筷子。然後再用佢比我嘅兩杯熱水洗呀洗，再用紙巾用力抹先咁用。而家仲驚緊食完之後會唔會肚餓、腸胃炎。水餃麵嘅味道就普普通通，麵底偏林，而且鹼水味好重，重到有點苦，所以小朋友唔係好肯食。水餃嘅味道就唔錯，都算幾大隻。