沁沁麫 (已結業)

西灣河非素食店的純素：沁沁麵馬來西亞娘惹素咖喱湯麵，正宗「麵好食，湯好飲」（無錯，我每次都飲埋d湯）素食版既餸係西蘭花、蘿蔔、豆卜、see u tomorrow (金菇）🤣另外加個巨形滷水豆腐扒同羅漢果茶，咁就perfect la😋😋佢d滷水小食都有分素食版㗎！食多幾次跟老闆熟了，才知老闆對食材非常有堅持，麵係本地手工上海麵，Q彈有口感，每條麵都掛上濃厚湯汁，第一次食仲以為食緊日本拉麵！湯係分開煮既純素湯汁，濃厚咖喱、椰汁香味，只要告知你係素食者，再忙都好，老闆會為你清洗乾淨鍋具而煮！對次非常感恩🙏🏻🙏🏻（得佢一對手煮咋！）第一次食驚為天人，食過後念念不忘，好似上左癮咁，坐幾個站車都要嚟食😋😋好彩老闆經過疫情重災，都堅持保住小店，千祈都好失傳呀！