榮式燒雞扒 (屯門時代廣場北翼)

營業中

休息中

放工返市中心搵野食，經過見到間野有位又算多人就諗住入去試下啦。一入去未行埋位，呀姐就成本MENU車埋我隻手度，算我見識少，真係未見過堂食會咁樣比MENU囉。到揀好食咩想落單既時候，我一望D呀姐，佢地就全部擰開塊面當睇我唔到，一係望廚房，一係望出面。我果刻真係有D嬲想拉隊走人，就算勝利牛丸咁出名服務差都唔會咁囉。落單果個語氣就係燥底，唔想做我生意咁。食物麻麻，燒雞燒得唔夠，雞肉冇味，藕餅煎得唔夠香，份量夠。食完同女朋友一齊喉嚨痛。