BTS美食站

營業中

休息中

喺香港每次食泰國菜都會諗起去九龍城，呢間 BTS美食站價錢合理，坐得舒服，味道唔錯，服務細心，輕輕鬆鬆食到正宗泰國菜。我同朋友兩個人叫咗牛丸牛肉船粉、泰脆炸豬手、珍多冰。牛丸牛肉船粉泰國地道船粉，我鍾意食麵多啲，牛丸、牛柏葉、牛肉三寶，味道偏濃，濃郁的牛肉香味。牛丸勁爆汁，黑椒味少辣，彈牙口感。牛柏葉好爽口，切得幼細又唔韌。鮮牛肉非常軟嫩，入口滑順，牛肉的香氣四溢。搭配豐富湯底，濃稠杰身，材料吸收晒啲湯汁，好入味。船麵煮得剛好，加上芽菜、芫荽、九層塔，掛湯一流。泰脆炸豬手豬手經過泰式脆炸，外層酥脆，豬手肉質仍然鮮嫩多汁。配搭特別醬汁，可以提升豬手香料的味道，大大塊炸蝦片，增添了濃郁的風味，搭配一些木瓜沙律一起享用，可以增加層次感，味道鮮美，好惹味。珍多冰最後飲品當然唔少得珍多冰，入面嘅珍多冰肉真係好好味，口感豐富，非常開胃。