民華魚蛋粉麵

營業中

休息中

民華餐廳我細細個已經聽過佢個名 最近幾年都開咗好多唔同嘅分店 成為遊客必去嘅地方之一但我始終鍾情於老店 其中一間老店位於大埔 閒日午市嚟到都非常爆滿 需要同人搭枱之餘 亦要等位 不過為咗美食係值得嘅常餐係必點美食之一 鹹香嘅牛油多士 配上嫩滑鮮奶炒蛋 蛋香十足 食多幾碟都唔厭揀咗坊間少有嘅薑絲牛肉通粉 薑絲好香口 完全帶出牛肉嘅味道 而且好淋 令到整體更加惹味 通粉軟硬適中西多士超級有份量用上厚麵包去做 蛋香十足 炸到外脆內軟 配上極度邪惡嘅鮮牛油同埋煉奶 食完肥10磅都抵大埔民華餐廳嘅特色係亦有中式點心賣 叫咗個四寶雞扎同埋燒賣 四寶雞扎幾足料而且味道幾好 燒賣冇乜特別