時新漢堡飽 (已結業)

由中學開始食到宜家，呢間係出名食漢堡！我次次都係必叫漢堡同薯條同炸雞腿！食佢既好味同時，都係食反學生時既味道！由舊址食到新舖！就係想睇下有冇唔同，定係可以keep到舊有既味呢？雙層漢堡包我叫咗芝士同蛋！同樣地都係好大個漢堡包呀！好足料！同埋好juice! 一咬落去啲準都走晒出黎！薯條同以前一樣都係炸得岩岩好，又唔會好鹹！一碟兩個人食岩岩好🥰炸雞腿好似細隻左啲啲，但係雞脾既肉質都係好嫩滑！外脆內軟！炸魚餅呢個第一次食，都係外脆內軟，同埋有好濃魚味，加埋啲蔥同埋調味，好特別！呢到新店比舊店大好多！坐得舒服好多！闊落好多！