屋喔 (已結業)

友人早前去完台灣、不絕地介紹邊度蚵仔好味、邊度火鍋出名、邊度買手信最佳、搞到我心癢癢想走番轉、可惜最近太忙走不開、唯有揾台式食物食咗當去咗。一間樓上台式Ｃａｆｅ、隨了有台灣美食之餘還有西式可選。位於旺角朗豪坊隔離、非常方便、價錢又實惠、難怪有好多年青人幫襯啦。外面氣温炎熱、先點個冷盤降降温、鳳梨蘋果鹽水雞、時令水果入饌夠清新、最適合夏天不過。雞肉結實帶有微微鹹味、調味恰到好處。牛肉麵又是台灣食物代表作之一。湯底濃濃肉香、麵質勁彈、牛展軟腍入味、添加了咸酸菜、另整個口感層次提升了。台灣飲茶文化深厚、我都要點壼扮下識嘢。桂圓紅棗玫瑰花茶、入口滋潤有暖和感、正好是慢嘆的時候。甜品我一定推介法式焦糖燉疍、剛好一人份量。那焦香好吸引。入口順滑疍味濃、不容放過。