亞越泰 (已結業)

一行七人夜晚在石門附近搵嘢食，見唔使等位就入去試吓，首先入到店，枱面笠痴痴，要出動火酒紙巾自行清潔，餐具亦有油污。首先碟豬頸肉飯，豬頸肉極乾身兼且冇味道，好似食緊柴一樣，火車頭完全冇越式風味，個湯底嘅味道就係似落咗鹽嘅滾水咁，海南雞可以接受，但啲飯係好乾身嘅。炒貴刁及雞扒亦唔好食，全晚最正常就係碟馬拉盞炒通菜。最厲害嘅就係連杯嘢飲都唔好飲👍🏻泰國嘢唔似泰國嘢，越南嘢唔似越南嘢，呢間食店真心伏，下次請我都唔會去食，完全冇心煮嘢！