重慶劉一手火鍋店 (旺角商業大廈) (已結業)

本人其實冇試過寫食評, 但真心忍唔住, 同學聚會, 8個人打邊爐, 先要入數一千元作deposit, 都冇所謂, 食物覺得真係新鮮嘅. 但另一方面, 首先座位唔舒服, 然後店內幾個女阿姐侍應, 態度服務都有問題, 我地已叫成枱食物, 再加個細碟鮮牛肉, 阿姐不甘我地唔叫大碟牛肉, 拎埋黎仲要加句"叫咗你地叫大牛肉架啦", 首先我地冇覺得唔夠食, 唔知佢做咩要加句咁嘅說話, 其次我地有朋友臨時帶咗小朋友出黎, 叫阿姐侍應加櫈, 佢都要有說話, 面有不悅講"多咗個小朋友呀？!", 其實枱面設計不方便, 勸多人去的話要三思, 坐得好唔舒服, 小朋友亦喺單上當大人計算醬料費, 呢次實在係好唔愉快嘅打邊爐, 雖然食物同湯底係可以嘅, 但啲服務我真的不敢恭維!