Kona

營業中

休息中

滿懷驚喜來到吃晚餐，點知食物同服務態度都真係😔初時諗住要訂（其實幾次經過見座位都梳落🧐但係就話一定要訂枱，都唔緊要喇，唔算大問題）就會對食物嘅質素抱有期望，但只係松露牛肉飯叫做比較好食之外，其餘都真係好普通，玻璃樽煙燻鎖住串燒嗰個，味道真係同個煙燻完全毫無關係，只係叫做賣相有趣。飲品烏龍hi，溝到淡到就嚟係杯水咁滯😩，最後個甜品雪糕都好食，但係冇諗過嗌咁多樣嘢，浄係個牛肉飯同雪糕比較正常出品，因為實在同類價錢，亦都有更好選擇。最主要問題個串燒牛係真心覺得唔夠熱，諗住食多幾嚿再諗諗先，真係唔對路喎，幾粒都係唔夠熱，同個服務員講一聲「啲牛肉唔夠熱呀」，點知佢劈頭第一句話：「你食咗咁多，我哋唔會換嗰喎。」我完全冇意欲去換，只係真心想話俾佢聽牛肉唔熱，搞到勁尷尬，真係好crazy，成個氣氛cheap晒，服務員個Mindset咁樣去講嘢真係有問題😪可能呢個服務員唔多願接受任何意見啦，乜每一樣嘢都一定是好評？