北京老家 (已結業)

環境有特式，枱與枱之間夠濶，我5人預先訂格，給我4人長方枱，當時晚上七時大堂只得兩台客，有4張8人枱，因4人枱太細，我要求可否坐8人圓枱，職員話有客訂了枱不能給我們，最後我們消費至8:38走，4張8人枱依然無客來，我地叫佢11樣食品，4人枱不夠放，再要求調坐8人枱，但仍然説有客留了坐，留枱唔做要客人擠逼坐四人枱，唔舒服，冇下次。至於食品，松仁魚最好味，四喜烤麩，干煸京豆，水煮牛肉及上湯津白有水準，其他失望，北京填鴨配料好味但鴨片凍的，似預先片定，孜然羊肉冇孜然味及羊肉炸得太干身，最差拔絲蘋果，賣相一流但蘋果咬落去是冰凍及粉，感覺是在凍格取出來然後上脆皮糖漿，所以食落口凍及粉，未食過咁難食。旺角店水準高幾班。