影片
更多
2012-02-25
160 瀏覽
下晝去買外賣，比完錢去附近行一陣返去企喺度等，大約半個鐘之後問第一個職員有得攞未，佢話未有喎......答完，於是繼續等，等等吓唔對路問第二個職員要等幾耐，佢答一般二十至三十分鐘，我同佢講我等咗三十五分鐘，可唔可以幫我跟跟張單。佢就開始搵我張單，搵嚟搵去搵唔到又叫咗個唔知'咩哥'搵，個'咩哥'粒聲唔出拎一疊單出嚟睇嚟睇去，我唔想再等就問佢不如你比我攞返錢啦我唔等喇，佢就咁遞返張收據比我。我又憨居居自己去收銀排隊，收錢個阿姐話：'吓！你張單唔見咗？邊個同事講架？' 跟住第二個職員行埋嚟話係呀搵唔到，然後兩條友就喺度研究點解會咁......當時已經有啲火，同佢講：'你不如退咗錢比我先啦！'，佢話要搵人開機，ok。最後有個應該係大粒啲o既女職員行埋嚟，又係目無表情，問咩事，有冇check唔知邊度邊度，跟住就咁比返啲錢我，我白白等咗9個字，佢地竟然一句對唔住都冇 真係一肚氣，係咪諗住收8蚊一碟就唔駛有服務質素？
張貼