築地‧山貴水產市場 (已結業)

先去左食魚生飯果邊 食左兩個手圈 睇落好細但意想唔到既係 成條都有海膽架 好好食 拖羅都好鮮甜 我覺得無果個沙律汁都ok !再黎試一試北海道帶子 外形雖然大大粒 但過份雪白 食落有雪味 唔夠新鮮 只係得個大字 可惜之後再試三文魚壽司 都幾好味 飯又唔會太大舊 都唔會鬆散 只係魚生太過薄切 魚油香一眨眼就無左之後去左濱燒部 之前係另一間水產食過甲羅燒 呢度既都好出色 脆卜卜既蟹子令到咸味唔會太出 有d口感可以中和下再黎係一大兜既蜆 蜆肉縮曬好細粒 花甲好好味 又大又鮮甜 不過咁樣擺係錫紙兜燒無左濱燒既感覺 我都係鐘意係日本大大隻放係爐度燒題外話 燒緊果陣無啦啦有個女店員衝埋黎同經理打另一人小報告 之後仲同廚房大聲嘈到好激動 作為食客覺得真係相當之嚇人