港麵子 (已結業)

自己向來鍾意食麵，見到Facebook介紹呢間新開麵店，好sharp好吸引，去開德福就即刻拉朋友一試。Lunch有套餐，麵加一款小食最平$58，最貴就$88。我地一行四人，今次只試左兩款麵，當中一至認同擔擔麵同番茄牛腩麵最正😋！擔擔麵個湯好香濃，但係冇杰撻撻，個麵質都好彈牙，$58可以話係超值！番茄牛腩麵個湯又係好濃郁，牛腩有d肥但入口即溶，幾滋味！仲要一讚超級夠熱，可能係用石鍋嘅關係，加分👍🏻！跟套餐嘅小食份量細左d，味道ok。其中皮蛋豆腐用黃金皮蛋，係落本嘅。見餐牌仲有好多撈麵，同埋好多人叫喇沙，下次會想試呢兩個。其實佢地策略都幾成功，餐牌個個麵都幾中香港人口味，叫港麵子都幾啱。