米走雞Live

營業中

休息中

因為大肚，最近我好想食麻辣雞煲，我個老公就帶我嚟呢間觀塘嘅米走雞，為咗滿足我同BB嘅胃口，我老公梗係叫佢哋嘅火焰麻辣雞煲，佢哋嘅招牌菜。上菜個陣，店員會加少少酒點火，正如其名「火焰麻辣雞煲」😆 雞肉經過醃製後，變得鮮嫩多汁，配上佢地特製嘅麻辣調料，食咗每一口都好爽辣，但唔會辣到好辛苦個種，食到我真係好滿足，肚裡邊個BB都感覺都係裏邊跳舞😂 鍾意食麻辣嘅你，一定要試試！我哋仲叫咗「西班牙黑豚肉」同埋「沙白蜆」。佢哋卑嘅西班牙黑豚肉嘅份量好有誠意，肉質紅潤，肥瘦適中，雪花狀紋理，食落去口感肉嫩但唔難咬，好食！沙白蜆份量也很多，我大肚唔想食，所以我老公自己一個人食曬😂 我老公話個個蜆嘅肉都好大下，好新鮮好鮮甜，而且處理到好乾淨，唔會食到沙。仲有那個【蒜拍青瓜】，我自己一個人食曬😆因為真係會食唔停嘅，一口接住一口食。個青瓜醃咗食到好爽口，酸酸辣辣咁，仲帶D蒜味，但係要小心，唔好食到辣椒籽，好辣😂我就係唔小心食到。今次真係食到我同我老公都好滿足，食到好飽。