MELLOW BROWN COFFEE by UCC

營業中

休息中

今日lunch返工又係諗食咩嘅時間😛，諗下諗下不如就去試吓sogo, 其實之前已經食過一次不過不失，只不過想再試吓俾多次機會嗌其他嘢食！但我諗真係最後一次機會。😅佢兩點半至六點有個Tea set但係10樣裏邊有7樣都係甜品set , 另外果三樣係意粉之類但係佢括住係輕量版，因為當其時好肚餓所以照嗌左個正價餐牌，我就叫咗個芝士焗菠菜三文魚長通粉$9x，友人就叫咗番茄海鮮飯$103 其實個味道就真係好一般，三文魚切粒得個幾粒，菠菜就得幾條鋪喺面咁樣完全同啲通粉不能融為一體嘅感覺，我食過第二間嘅芝士菠菜味道好夾架！但係要去到90幾蚊一碟嘅長通粉仲要冇野飲真係好唔抵，我寧願去先simply life有湯有嘢飲加埋一都係＄98 ,我而家同友人去都要每位＋10% $107仲要啲野而唔係好好食，我呢啲打工仔食lunch , $100最少都有主菜湯同埋嘢飲啦😩 總言之＄100碟野唔值呢個價錢，當然會話有鋪租，人工等等。但係呢個價錢我可以有更多更好嘅選擇😅唯一好嘅就係環境舒適，坐得都舒服，燈光柔和。可能淨係嗌杯嘢飲坐都OK嘅。