台灣ET鹽水雞 (福榮街) (已結業)

食完又食 👍🏻 人情味重嘅良心小店, 雞滑又有啫喱 🤤之前喺台灣讀書時成日會同一大班朋友行夜市，去親夜市都一定會叫鹽水雞食。貪佢大份得嚟又有雞有肉有配菜。我喺香港成日食嘅就喺呢間ET，每幾日就食一次上哂癮咁。香港雖然開咗好多間餐廳賣鹽水雞，但好多都港式化，唔係重口味就太咸勁口喝。但呢間ET就真係好接近我喺台灣食開既味道。雞又滑有啫喱，加埋台灣嚟嘅胡椒粉真係不得了，少少咸香但又食到d食材既味道！唔知係咪食得太多，每次去點，未畫單個員工都記得我食開d咩🤣而家呢個時期，開開心心食個飯先最重要！