榮式燒雞扒 (吳松街) (已結業)

雞扒親子飯，啲雞扒真係不得了，唔怪得知可以連鎖咁開咁多間。佢係好多汁，好 juicy，好彈牙但又不硬，味道超好，黑椒味超重，我有諗過係咪好多味精，但食完之後又冇覺得特別好頸渴，應該不多吧。五十幾蚊咁嘅份量，好好，啱晒鍾意食肉嘅朋友。對我來講美中不足就當然係太少菜啦，唔健康，啲滑板好普通，下次我會試第二隻。側邊啲蔥同埋酸菜好特別，我自己覺得就唔係太襯雞扒，但係用黎撈飯都幾好食。熱檸蜜唔需要加錢，咁我咪嗌一杯黎飲吓囉，一飲，唔怪得知唔使加錢啦，稀到爆，唔講我以為我自己飲緊熱檸水。佢嘅肉燥亦都係麻麻地，可能因為我哋expect 佢係台灣嗰隻肉燥，呢隻味得個咸字，食完都唔知食做乜個種，我又唔可以話係難食，只係真係形容唔到係咩味。總括黎講，食完之後真係唔想再煮飯，50幾蚊碟頭，味道又好，份量又足，好過自己煮啦。