影片
更多
2015-09-05
598 瀏覽
每次出親街都面對一個解題。就係唔知食乜。尤其係去旺區就更加諗唔到。通常諗唔到食乜。最好就去食放題。有凍有熱有生有熟。自己想食乜就嗌乜 。人在旺角。見到有日式燒肉放題咁就去試下。入到去環境唔算闊落。勝左樓底夠高感覺唔太逼。$18X 一位燒肉兩小時任食。仲有埋刺身熟食野飲甜品。加$40仲有得upgrade包埋羊架呀帆立貝果啲。先講野飲燒肉黎罐汽水可樂唔少得。解熱氣嗎。 呢到好貼心。可以嗌個一人前涼茶！細細壺最緊要係夠凍。雖然唔係好濃但係都飲得出淡淡嘅夏枯草味。個人覺得唔錯。起碼心理上冇咁罪惡。先黎就梗係刺身。嗌左三文魚帶子北寄貝呢d大路野都正正常常。都算親鮮又比得足。熟食方面。天婦羅都ok食得過。唔會話食到你成口油。仲叫左佢個一口蕃薯仔。炸得啱啱好。個皮夠脆入面又軟林林。另外個三文魚頭湯都唔錯。飲落唔腥之餘足料。燒肉方面。佢個爐係有張牛油紙係面。等你燒肉果陣唔痴底。唔會好似其他燒肉咁要成個架換。淨係需要換張紙。慳返d時間燒多幾舊肉食。同埋啲野冇咁易燶。食完都好似冇咁熱氣。牛有牛舌牛肉粒牛肋肉。分汁燒鹽燒。豬有豬腩片仲有芝士粉好惹味。雞有肶肉雞翼同軟骨。個香草味又唔錯幾夠味喎食到淨返半個鐘就
每次出親街都面對一個解題。就係唔知食乜。尤其係去旺區就更加諗唔到。通常諗唔到食乜。最好就去食放題。有凍有熱有生有熟。自己想食乜就嗌乜 。
人在旺角。見到有日式燒肉放題咁就去試下。入到去環境唔算闊落。勝左樓底夠高感覺唔太逼。$18X 一位燒肉兩小時任食。仲有埋刺身熟食野飲甜品。加$40仲有得upgrade包埋羊架呀帆立貝果啲。
先講野飲燒肉黎罐汽水可樂唔少得。解熱氣嗎。 呢到好貼心。可以嗌個一人前涼茶！細細壺最緊要係夠凍。雖然唔係好濃但係都飲得出淡淡嘅夏枯草味。個人覺得唔錯。起碼心理上冇咁罪惡。
先黎就梗係刺身。嗌左三文魚帶子北寄貝呢d大路野都正正常常。都算親鮮又比得足。
熟食方面。天婦羅都ok食得過。唔會話食到你成口油。仲叫左佢個一口蕃薯仔。炸得啱啱好。個皮夠脆入面又軟林林。另外個三文魚頭湯都唔錯。飲落唔腥之餘足料。
燒肉方面。佢個爐係有張牛油紙係面。等你燒肉果陣唔痴底。唔會好似其他燒肉咁要成個架換。淨係需要換張紙。慳返d時間燒多幾舊肉食。同埋啲野冇咁易燶。食完都好似冇咁熱氣。
牛有牛舌牛肉粒牛肋肉。分汁燒鹽燒。豬有豬腩片仲有芝士粉好惹味。雞有肶肉雞翼同軟骨。個香草味又唔錯幾夠味喎
食到淨返半個鐘就會有職員埋黎放枝迷你鯉魚旗黎提醒你食快少少。呢個時候再嗌埋甜品 雪米糍同雪糕。
食飽飽行出砵蘭街頭。髮梢之間少不了燒肉的油煙。喉間卻沒多大熱氣之感。
張貼
