放牛牛 (已結業)

今日同女朋友出tst食晚飯，食完行街果陣咁岩就見到呢間放牛牛，女朋友話好得意好想試下喎，跟住由於佢知我鍾意食朱古力，我地就叫左火牛牛黎下。點知呢隻「火牛牛」真係食到我火都黎埋。頭先個棉花糖都算ok嘅，正常味咁。之後問題就黎喇，我未開始食啲雪糕就開始溶，今晚仲要好涼爽，好難想像遲啲三十幾度呢隻「火牛牛」會點，係咪一出門口即溶先。啲雪糕食落真心唔知講咩好，仲差過雀巢呀大佬。我俾42蚊你俾啲仲差過十蚊杯雀巢嘅雪糕我食，好差啫。。。跟住呢隻「火牛牛」仲有啲急凍左嘅士多啤梨同朱古力餅粒做配料，啲急凍左嘅士多啤梨真係好野，可以完全無味，好似食緊啲有一點點酸味嘅冰咁，但係佢無冰咁凍喎，跟住啲朱古力餅粒，難食到呢!!!佢又淋又無咩朱古力味，我真係o左，我都唔知俾咩反應。呢隻「火牛牛」我地食到一半就掉左，因為真係頂唔住，其實我覺得呢間野改「火牛牛」呢個名真係改得妙，食完保證你都會變一隻真正嘅「火牛牛」。(即係咁樣，>>>>>)。