茶語啡 (已結業)

本來好想揾台式野飲既。揾下揾下就揾左呢間。響新都城二期最尾尾位置，戲院對出既位置。飲野可以坐門口。其實佢係open area 都無咩話門口唔門口。照掃安心出行坐低飲。有張小枱可以放野飲。我覺得都坐得好舒服。朋友叫左凍野蘋果水蜜桃綠茶，雖然叫做堂食，但野飲都係好似外帶果d 野飲咁樣同膠杯裝。如果佢可以用返高身玻璃杯咁就更好。我就叫左培茶latte. 試過一次培茶後就愛上了。無抹茶咁甜，亦都無抹茶咁甘。佢只係有小小燶左咁既茶味。厚茶味。加温奶沖成。上枱成杯拉花咁既咖啡樣。休閒的話，自己一個人坐低拎本書睇，分分鐘舒服過連鎖咖啡店。