豆姨姨泰式廚房

營業中

休息中

上次食完豆姨媽之後覺得好好食，又忍唔住再黎，我地揀左餐牌上有星星符號（餐廳推介嘅菜式）嘅野食《沙爹串燒（雞）+蒜蓉包》$109一上菜已經比蒜蓉包吸引住，蒜蓉包切成長方體，每邊都擦滿左牛油蒜蓉，咬落系外脆內軟，蒜蓉味又岩岩好，唔會過多or過少，好好食。串燒方面我地全部揀曬雞，唔知系唔系泰北系內陸地區，接近緬甸印度嗰邊，啲串燒雞同印度燒雞一樣樣，而且偏乾身，一定要點沙爹醬食。《豆姨姨米線》$79開頭以為系米線，黎到原來系米粉，個樣同泰北雞麵有啲似，但味道系完全唔一樣，湯底都系充滿香料味，鮮甜而有微微嘅辣味，米粉索曬湯嘅味道，令人一啖接一啖。湯里面有雞腳、豬紅、肉碎，另外都有一碟豬皮、芽菜、雞蛋、辣椒油，配料好豐富，增加層次感。《芒果糯米飯》（細）$59上前黎到都有食芒果糯米，今次再叫，上檯嘅時候，依然熱辣辣，啲糯米飯仲有煙出，不過今次芒果有d酸，廚師應該知道，所以落左好多椰汁，味道依然唔錯。