影片
更多
2018-05-24
78 瀏覽
葫同燒肉係台灣好出名，台北分店更加有時連book位都full。店員提我地可以去台灣之前打去香港分店book定位先，好貼心！講返當晚，我同屋企人都食得好滿足，樣樣都好好味，而且仲好有驚喜。而店員更加係超好服務，又同我地chit chat，所以都覺得物有所值。店員有香港人亦有台灣人，都好nice，就算好忙都會幫我地燒。而最值得一讚係個燒網每燒完一次就會換過一塊，確保燒肉唔會有焦味。價錢係唔平，不過食物同服務都係我香港食燒肉黎講數一數二，唯一缺點係洗手間好舊，而走廊好多紙箱雜物。紅酒釀蕃茄 $35第一次食，甜甜地好開胃。Orion 生啤 $58沖繩啤酒，幾易入口。台灣烏梅汁 $30酸梅湯嘅味，可以解膩。鹽燒牛舌 $98有多蔥係面，食落好香。純血和牛扇子肉 $198店員話比較無咁肥，我覺得依碟肉係成晚最好食，脂肪比例好perfect牛五花 $168雖然叫五花，但係唔會太肥，其中一位店員話係必食。厚切板腱牛排 $138menu上無嘅，係today's special，特別request要生啲，大概三成熟。日本土雞心 $60口感彈牙，味道濃郁，一啲都唔腥。角切牛舌 $128比起薄切更加中意依款，燒
講返當晚，我同屋企人都食得好滿足，樣樣都好好味，而且仲好有驚喜。而店員更加係超好服務，又同我地chit chat，所以都覺得物有所值。
店員有香港人亦有台灣人，都好nice，就算好忙都會幫我地燒。而最值得一讚係個燒網每燒完一次就會換過一塊，確保燒肉唔會有焦味。
價錢係唔平，不過食物同服務都係我香港食燒肉黎講數一數二，唯一缺點係洗手間好舊，而走廊好多紙箱雜物。
紅酒釀蕃茄 $35
第一次食，甜甜地好開胃。
Orion 生啤 $58
沖繩啤酒，幾易入口。
台灣烏梅汁 $30
酸梅湯嘅味，可以解膩。
鹽燒牛舌 $98
有多蔥係面，食落好香。
純血和牛扇子肉 $198
店員話比較無咁肥，我覺得依碟肉係成晚最好食，脂肪比例好perfect
牛五花 $168雖然叫五花，但係唔會太肥，其中一位店員話係必食。
厚切板腱牛排 $138
menu上無嘅，係today's special，特別request要生啲，大概三成熟。
日本土雞心 $60
口感彈牙，味道濃郁，一啲都唔腥。
角切牛舌 $128
比起薄切更加中意依款，燒完口感好爽脆。
伊比利豬肋條 $80 (左下)
店員推薦，無豬嘅腥味，充滿油香，不過都係比較推介食牛。
蟹膏生干貝 $100x2
兩樣加埋好夾，食落好鮮甜。
台灣墨魚香腸 $110好特別，無肉嘅成份，係墨魚汁同墨魚粒整成。
胡同蟹堡 $80x2
蟹膏份量好多，燒完帶少許焦香。
胡麻水菜沙拉 $55
好大碟，特登叫黎解膩。
托斯特芋泥卷 $38
店員推介嘅，煉奶多左啲，但個芋泥卷本身已經好好食，芋泥夠綿密，如果唔係食到咁飽我會再encore!
張貼
