影片
更多
2008-08-25
6 瀏覽
旺角區的日本菜選擇之多，真係多到你諗都諗唔到。要平有~要高級有~要任食有~要精緻都有。但係食壽小金魚會首選這間和花亭。 上個星期三又約咗幾個舊同事一齊去食，平日都係超多人，等咗接近1個鐘頭位，仲要係迴轉位，雖然唔係卡位，但係都預咗無得食完可以吹好耐水至走(因為卡位4-5個人的話好多時都會要1.5小時就交枱)，所以迴轉位都照"殺"啦~加埋小金魚共4個人(全女班)，叫咗以下食物壽司類：呢3個係小金魚必食的啦...............炸蝦天婦羅(OR手卷都好食)<== GOOD~GOOD~GOOD~小金魚的最愛，每次食都係咁新鮮，粉漿夠薄，蝦身又彈牙~(如果係下午茶時段仲要係一碟3隻) 咖哩半熟蝦<== GOOD~GOOD~小金魚口味有點怪~我唔鐘意食全生的蝦(泰式生蝦就OK)，但係又唔鐘意食日式全熟的蝦，所以呢隻蝦就啱啱好，只係用火燒一燒個面~半生熟然後"查"少少咖哩汁落去~好食~蟃魚芝士卷<== GOOD~原來蟃魚同芝士係咁夾的~~唔嚟呢到食過都唔知添~甜蛋 <== 朋友們話好食，只係小金魚唔好甜味的蛋，感覺好奇怪~~但係OK啦~三文魚<==
要平有~要高級有~要任食有~要精緻都有。
但係食壽小金魚會首選這間和花亭。
上個星期三又約咗幾個舊同事一齊去食，平日都係超多人，等咗接近1個鐘頭位，仲要係迴轉位，雖然唔係卡位，但係都預咗無得食完可以吹好耐水至走(因為卡位4-5個人的話好多時都會要1.5小時就交枱)，所以迴轉位都照"殺"啦~
加埋小金魚共4個人(全女班)，叫咗以下食物
壽司類：
呢3個係小金魚必食的啦...............
炸蝦天婦羅(OR手卷都好食)<== GOOD~GOOD~GOOD~小金魚的最愛，每次食都係咁新鮮，粉漿夠薄，蝦身又彈牙~(如果係下午茶時段仲要係一碟3隻)
咖哩半熟蝦<== GOOD~GOOD~小金魚口味有點怪~我唔鐘意食全生的蝦(泰式生蝦就OK)，但係又唔鐘意食日式全熟的蝦，所以呢隻蝦就啱啱好，只係用火燒一燒個面~半生熟然後"查"少少咖哩汁落去~好食~
蟃魚芝士卷<== GOOD~原來蟃魚同芝士係咁夾的~~唔嚟呢到食過都唔知添~
甜蛋 <== 朋友們話好食，只係小金魚唔好甜味的蛋，感覺好奇怪~~但係OK啦~
三文魚<== 普普通通
燒牛肉 <== 都幾好食，不過偏生~接受唔到太生的話(好似魚媽媽個類)可能要叫佢燒熟D~
山葵八爪魚<== 山葵味唔夠勁，再加多D會好好多~但係要讚紫菜夠脆(因為係軍艦卷)~
熟食類：
面鼓湯<== 好唔得，碗湯入面有半隻蟹(完全無味，都唔知點解?)，幾片白羅白~但係最慘係一D都唔熱~連暖都叫唔上，味道嘛~我屋企D即沖面鼓湯比較好飲~~HEHEHEHE
軟殼蟹沙律<== 軟殼蟹OK新鮮，D沙律菜朋友仔話幾新鮮(因為小金魚唔食"生"的生菜，唔知好唔好味)
炸雞軟骨<==好味道~炸得唔乾。
其實好似有食咗其他o野~不過小金魚忘記了......
味道整體上唔錯，不過呢度d蒸蛋無"元氣"整得咁好食~
至於SERVICE方面，不過不失啦，因為真係好多人幫襯，待應又唔係太多，但係都叫做你叫佢佢會嚟~無乜漏單的情況，而且又可以直接同BAR枱的師父仔落ORDER~
四個人食咗五百幾蚊，一般價錢啦~~~~~~~
張貼