翔壽司 (已結業)

今日下午放假，特登約左男朋友一齊食午餐，我想食壽司，所以入左翔壽司食。餐廳座位好少，座位前有刺身櫃。餐廳提供午市定食，定食均配沙律、面豉湯，我地揀左翔-精選壽司盛盒同翔-特選壽司盛盒。首先送上沙律同面豉湯。精選壽司盛盒有5件壽司，分別係油甘魚、真鯛、赤蝦、腐皮、玉子，仲有牛油果手卷。赤蝦最好食，牛油果手卷幾足料，仲有少少蟹籽添。特選壽司盛盒有深海池魚、赤身、中吞拿魚腩、牡丹蝦、三文魚籽軍艦，仲有辣味帶子手卷。中吞拿魚腩夠肥美，辣味帶子手卷幾惹味。