葫蘆館 (已結業)

由佢未搬鋪食到搬鋪都食左幾十碗，因為真係好好味～由讀書食到拍拖再食到結埋婚，佢薑汁撞奶既質素都十年如一日地穩定，奶香好濃，可以叫多薑或者少薑～如果怕辣嘅，其實都可以叫碗少薑試一試！因為真係好好食⋯而個飛碟三文治都係十年如一日的味道～烘底芝士咸牛肉係每次都會食的！可惜唔記得影。順帶一提，呢間薑汁撞奶係即叫即撞，所以唔會有凍食選擇～如果想食凍野嘅話就要叫燉蛋或者燉奶。但我覺得比起燉蛋或者燉奶，都係薑汁撞奶最好食。其他甜品就我自己認為唔需要試既，淨係需要食個薑汁撞奶就得！