怡翠軒 (已結業)

怡翠軒係我同個朋友嘅lunch飯堂，食左成10年都有了！近幾年仲可以係app訂位，電話唔洗打。呢幾年來，餐牌都轉左好幾次，不過仍然保持水準。食物選擇都算好多，點心，前菜，湯羹，小菜，燒味，炒粉麵飯，甜品，咩都有，總有野岩你食！我地平時有幾款菜式係必食嘅。茶方面，我地會點碧螺春，茶味香而唔苦，仲會有個蠟燭仔點住，保持溫度。佢地出名嘅點心應該係檸香叉燒酥。而我地就鍾意食佢地嘅蛋撻仔，新鮮又唔太甜，建議大家一坐低就好叫左蛋撻仔先，呢幾次去食，1點鐘就話賣晒。鍾意飲湯羹嘅你，一定會鍾意呢個黑松露竹笙羹，好香濃嘅黑松露味，加少少胡椒粉，簡直係人間美食另一樣必食嘅就係呢個櫻花蝦蟲草花炒粉絲，香噴噴，炒得相當有鑊氣，好惹味！甜品嘅推介就係燕麥芝士餅，好味