影片
更多
2021-10-12
52 瀏覽
南豐紗廠有好多小店，今次揀左間好岩家庭樂或朋友聚餐嘅小店「The Big Things Party Cafe」，因為呢度食物較健康，唔會過份調味，簡單好味，小店旁邊仲有個收費嘅室內遊樂場地，假日真係好熱鬧。餐廳都夠大，座位寬敞坐得服務，就快萬聖節，餐廳都有好多應節的裝飾，好有氣氛，月尾要帶一家大細來食野玩下輕鬆下。我地點左兩款小食，兩款主食，飲品同甜品，甜品仲好靚好好味。南蠻炸雞 （五件）$68熱辣辣炸起上碟，炸得香口，皮脆雞肉多汁嫩滑，唔會好膩，配埋個三文魚籽南蠻醬，味道微酸開胃消膩，魚籽提鮮帶咸，令炸雞味道提升。吉列玉子三文治 $58好有日式感覺，係超厚身玉子經吉列炸過，玉子口感滿足，鬆軟微彈，加酸甜滋味豬排蛋黃醬，好似食緊厚豬三文治，但實質係玉子黎，感覺更有營健康，麵包烘得平均又脆身。店長推介味噌三文魚六野菜便當 $118三文子用味噌醃製同烹煮，咸度適中，仲有三文魚籽咸鮮味。六款野菜係特別用日式煮法帶出野菜鮮味，汁煮日本甜南瓜，多汁甜味突出質感軟綿；紅蘿蔔絲有豐富茄紅素，味道甘甜；自家種植車厘茄，爆汁清甜；抗炎抗養化西蘭花，翠綠保留爽脆口感；醬油香菇，入味咸鮮多汁；抗養化紫椰菜
南豐紗廠有好多小店，今次揀左間好岩家庭樂或朋友聚餐嘅小店「The Big Things Party Cafe」，因為呢度食物較健康，唔會過份調味，簡單好味，小店旁邊仲有個收費嘅室內遊樂場地，假日真係好熱鬧。
餐廳都夠大，座位寬敞坐得服務，就快萬聖節，餐廳都有好多應節的裝飾，好有氣氛，月尾要帶一家大細來食野玩下輕鬆下。
我地點左兩款小食，兩款主食，飲品同甜品，甜品仲好靚好好味。
南蠻炸雞 （五件）$68
熱辣辣炸起上碟，炸得香口，皮脆雞肉多汁嫩滑，唔會好膩，配埋個三文魚籽南蠻醬，味道微酸開胃消膩，魚籽提鮮帶咸，令炸雞味道提升。
吉列玉子三文治 $58
好有日式感覺，係超厚身玉子經吉列炸過，玉子口感滿足，鬆軟微彈，加酸甜滋味豬排蛋黃醬，好似食緊厚豬三文治，但實質係玉子黎，感覺更有營健康，麵包烘得平均又脆身。
店長推介
味噌三文魚六野菜便當 $118
三文子用味噌醃製同烹煮，咸度適中，仲有三文魚籽咸鮮味。六款野菜係特別用日式煮法帶出野菜鮮味，汁煮日本甜南瓜，多汁甜味突出質感軟綿；紅蘿蔔絲有豐富茄紅素，味道甘甜；自家種植車厘茄，爆汁清甜；抗炎抗養化西蘭花，翠綠保留爽脆口感；醬油香菇，入味咸鮮多汁；抗養化紫椰菜，爽甜顏色靚。六款野菜拌勻珍珠米食，食得健康零負擔。
明太子忌廉烏冬 $88
忌廉奶味濃郁，配同樣香滑烏冬，拌明太子同三文魚籽，鮮味爆發，份量唔會太多，所以食完剛好，唔會過膩。
Cookies & cream 停不了Oreo $88
雲尼拿雪糕、焦糖醬、牛奶、Oreo……打至細滑，奶昔好香滑，而且唔過甜，奶味較重，忌廉、冬甩、Oreo 餅、曲奇……來裝飾，賣相好靚好吸引，大人細路都鍾意。冬甩唔太油，口感鬆化，扎實帶點咬口。
柚子白朱古力蛋糕 $48
柚子朱古力慕絲輕盈，質感細膩軟滑，中間的柚子啫喱酸甜味中和甜度，亦清新到味蕾，柚子味同白朱古力都濃郁，又唔會搶到兩者味道，底層有鬆海綿蛋糕。
張貼
