影片
更多
2022-08-10
13 瀏覽
今日黎到太子、深水埗附近覓食，打算同朋友飲下酒食下飯，咁啱見到呢間餐廳個vibe幾正，仲有大大個bar檯係到就入左黎試下啦！我地叫左個二人餐，有前菜、餐湯、主菜、飯／意粉同甜品，非常豐富～前菜：煙三文魚無花果沙律見到個陣忍唔住嘩左出聲，份量超級足料！出面唔少餐廳既套餐沙律都只係用番茄仔、粟米之類做配料，但呢到加左好多煙三文魚，仲有清甜既無花果，加埋酸酸地既沙律汁，食落開胃之餘味道仲好rich。前菜都咁有心做，令我非常期待main course！主菜：香烤法國春雞春雞既外皮烤得啱啱好，裏面既肉非常嫩滑，一刀切落去仲有好多肉汁流出黎。隻雞用左唔同香料調味，食落仲有淡淡既檸檬香，原來係因為廚師塞左半個檸檬入去隻雞到，令味道昇華左，出面好少餐廳做到呢點。至於配菜有瓜、茄子同薯仔，瓜果鮮甜多汁仲用左少少黑醋調味，而薯仔烤得外脆內軟，好出色。意大利飯：黑松露野菌意大利飯一上檯就聞到超香既黑松露味，啲醬汁好creamy。意大利飯煮得啱啱好，食到有煙煙韌韌既口感，不過意大利飯真係好飽肚，2個人分都差啲食唔哂！甜品：廚師精選甜品係朱古力蛋糕同士多啤梨蛋糕配雲呢拿雪糕。朱古力蛋糕同士多啤梨蛋糕上面有一層軟
我地叫左個二人餐，有前菜、餐湯、主菜、飯／意粉同甜品，非常豐富～
前菜：煙三文魚無花果沙律
見到個陣忍唔住嘩左出聲，份量超級足料！出面唔少餐廳既套餐沙律都只係用番茄仔、粟米之類做配料，但呢到加左好多煙三文魚，仲有清甜既無花果，加埋酸酸地既沙律汁，食落開胃之餘味道仲好rich。前菜都咁有心做，令我非常期待main course！
主菜：香烤法國春雞
春雞既外皮烤得啱啱好，裏面既肉非常嫩滑，一刀切落去仲有好多肉汁流出黎。隻雞用左唔同香料調味，食落仲有淡淡既檸檬香，原來係因為廚師塞左半個檸檬入去隻雞到，令味道昇華左，出面好少餐廳做到呢點。至於配菜有瓜、茄子同薯仔，瓜果鮮甜多汁仲用左少少黑醋調味，而薯仔烤得外脆內軟，好出色。
意大利飯：黑松露野菌意大利飯
一上檯就聞到超香既黑松露味，啲醬汁好creamy。意大利飯煮得啱啱好，食到有煙煙韌韌既口感，不過意大利飯真係好飽肚，2個人分都差啲食唔哂！
甜品：廚師精選甜品
係朱古力蛋糕同士多啤梨蛋糕配雲呢拿雪糕。朱古力蛋糕同士多啤梨蛋糕上面有一層軟滑既Mousse，下面既海綿蛋糕濕潤柔軟，配埋雲呢拿雪糕好夾。
飲品：April & What a Peach
April係呢到既調酒師特別設計signature cocktail，整體味道偏甜帶少少酸。最特別既係基酒用左燒酒，但飲落又唔會好大酒味，加埋調酒師新鮮打起既奶泡，質地柔滑順口，而且個樣勁啱打卡，好啱女仔飲。
What a Peach係mocktail黎架！個外觀夠哂吸睛，連塊菠蘿乾都食得落肚。除左水蜜桃之外，仲有菠蘿、提子等成分，非常香甜，啱哂唔中意飲酒既人！
呢間餐廳真係比左好大驚喜我，feel到食物真係用心製作，下次一定會再返黎幫襯🧡🧡🧡
煙三文魚無花果沙律
2 瀏覽
0 讚好
0 留言
April & What a Peach
13 瀏覽
0 讚好
0 留言
香烤法國春雞
14 瀏覽
0 讚好
0 留言
黑松露野菌意大利飯
15 瀏覽
0 讚好
0 留言
張貼
