潮丸 (已結業)

搭叮叮嚟到筲箕灣，一定會先嚟東大街搵食先！行完成條街決定試試「潮丸」事關我比門口嘅menu 大大吸引住！好想試佢嘅牛啊！每張枱已經擺放好佢地自家製嘅紅辣醬、黃辣醬、辣椒油！唔覺意點太多黃辣醬啦！佢係最辣個隻！好惹味！三鮮咖哩飯（牛腩、牛筋、牛肚），餐廳炆到好淋好入味！本來最怕咬唔斷嘅牛肉，但呢到唔會，太好啦！而呢個咖哩唔似係港式，佢偏黃，而且甜甜地！之後唔想食飯仲可以點三鮮嘅撈粗面！亦會送多碗清湯！小食叫了四隻嘅蒜香雞翼～ 炸到脆口，蒜味又夠香！大滿足！