影片
更多
2022-08-16
42 瀏覽
我哋一家都鐘意食火鍋，但又鐘意試新野，所以今次揀左未去過既「一鍋堂」食🤩近近地就去荃灣大鴻輝分店，依度食店林立，等電梯要俾少少耐性。意想不到係一出電梯人龍已排到電梯口，不過大家都好有秩序排隊。店內座位好多，所以好快就安排到入座。我地揀左B餐放題120分鐘，任食精選安格斯牛同精選配料。湯底有16款選擇，我地就揀左櫻花蝦湯底。湯底有好香濃蝦味和昆布，好有日式風味，就咁飲都好鮮甜好正😋。點餐掃QR code就得，好方便。當然唔少得自助配料區，有各式丸類，素菜之外，仲有熟食區，多款前菜冷盤都好吸引，好似涼拌青瓜🥒、陳醋小木耳、麻辣雞臀腎，椒泡鳳爪等，都勁惹味同開胃，麻辣拌手麵🍝仲辣得過癮，越辣越忍唔住不停食🔥。蔬菜就一盤盤放喺雪櫃度，好企理衛生，最開心有我最愛既羽衣甘藍🥬。另外仲有自助飲品區，提供好多唔同既罐裝飲品。最讚係有自家冷泡養生茶，玫瑰花黑枸杞茶和羅漢果雪梨清潤茶都好清甜，味道天然又健康。肉類我哋以食牛為主，安格斯肥牛🥩、封門柳、牛板腱都好夠肉味，肥瘦適中，有唔同口感，來回都點了幾次。海鮮就點左鮮蝦🦐、珍珠貝、沙白，都好新鮮大大隻，加入蝦湯煮味道更鮮甜。手打丸類都係必試之選，黑松露手打
我地揀左B餐放題120分鐘，任食精選安格斯牛同精選配料。湯底有16款選擇，我地就揀左櫻花蝦湯底。湯底有好香濃蝦味和昆布，好有日式風味，就咁飲都好鮮甜好正😋。
點餐掃QR code就得，好方便。當然唔少得自助配料區，有各式丸類，素菜之外，仲有熟食區，多款前菜冷盤都好吸引，好似涼拌青瓜🥒、陳醋小木耳、麻辣雞臀腎，椒泡鳳爪等，都勁惹味同開胃，麻辣拌手麵🍝仲辣得過癮，越辣越忍唔住不停食🔥。
蔬菜就一盤盤放喺雪櫃度，好企理衛生，最開心有我最愛既羽衣甘藍🥬。
另外仲有自助飲品區，提供好多唔同既罐裝飲品。最讚係有自家冷泡養生茶，玫瑰花黑枸杞茶和羅漢果雪梨清潤茶都好清甜，味道天然又健康。
肉類我哋以食牛為主，安格斯肥牛🥩、封門柳、牛板腱都好夠肉味，肥瘦適中，有唔同口感，來回都點了幾次。
海鮮就點左鮮蝦🦐、珍珠貝、沙白，都好新鮮大大隻，加入蝦湯煮味道更鮮甜。
手打丸類都係必試之選，黑松露手打墨魚滑好香好彈牙；手打三寶丸、珍珠蝦丸都好新鮮好好味，手打黃金菜甫豬肉丸好特別，自家製雲吞粒粒飽滿好足料🥟，皮薄饀靚。
其他得意野仲有三色墨魚磚、蝦滑釀酒炸鬼、紅心蘿蔔等，每樣試少少都已經飽到捧住個肚。
其他火鍋必食配料仲有牛柏頁、水魷魚、豬皮、炸魚皮、鴨血等等，真係好豐富。
最後唔好錯過食乳酪雪糕🍧，蜜桃味夠清新，自己唧完再加上topping, 小朋友最開心🤩。
2個鐘食個不停大滿足🥳，而且見食客仍然不停入座，人氣極旺座無虛席。2百零蚊位有咁多野食，而且食物都有質素種類繁多，都幾抵食，下次一定再黎🥰
張貼
