RISE Kitchen (已結業)

餐廳望出去係喺將軍澳單車徑🚴‍♀️，呢個位置人流無咁密集，環境好舒適。餐廳亦無用餐時限，可以慢慢品嚐美食🍝☕️，輕鬆無壓力！餐廳主要售賣3⃣️樣嘢：法國手工麵包、咖啡、輕食。明太子野菌忌廉意粉🍝賣相唔算好靚，但簡約得嚟給人舒服嘅感覺。配菜用咗多款雜菌🍄及大量明太子，全部新鮮爽口，唯獨味道鹹咗少少。意粉微微煙韌，有咬口，份量亦足夠。樱花🌸季節當然要飲樱花Latte，入口有輕微花味，咖啡香濃醇滑。臨走時仲買咗條酥脆香軟嘅朱古力方包。