影片
更多
2022-09-15
242 瀏覽
近排因為接小朋友放學，所以多左係鰂魚涌呢邊搵野食，今日同老婆經過就去左一間新開業冇幾耐嘅漢堡包店Tipsy Burger試試。😁Tipsy Burger好近鰂魚涌港鐵站，由B出口過左行人天橋直出到海澤街轉左就到，餐廳地方唔大，凳大概只有10數張，廚房採用係開放式設計，加上餐廳自然光充足，所以整體感覺都幾舒適。😙Tipsy Burger的餐牌好簡單，Burger分含酒精同不含酒精，共有8款，另外有4款沙律同5款小食，飲品方面除左一般汽水之外，餐廳亦提供左樽裝啤酒同埋香港手工啤酒，餐廳不設加一，Burger價錢由$68起，跟餐配薯條同飲品只需加$18，我估大部分客人都會轉套餐，不過因為老婆唔飲凍飲，所以我地兩個點左一個套餐另外再加左款小食兩個人share食。😊Whiskey Wagyu Beef Burger威士忌芝士和牛手打漢堡 $83第一次來Tipsy Burger當然要先試試就係主打含酒精嘅Burger，而當中比較有人氣嘅就係呢款威士忌芝士和牛手打漢堡，個漢堡賣相唔錯，除左加左Whiskey，漢堡仲插上左一枝裝左Cocktail嘅Test Tube，食客可按個人口味增強Burger嘅
Tipsy Burger好近鰂魚涌港鐵站，由B出口過左行人天橋直出到海澤街轉左就到，餐廳地方唔大，凳大概只有10數張，廚房採用係開放式設計，加上餐廳自然光充足，所以整體感覺都幾舒適。😙
Tipsy Burger的餐牌好簡單，Burger分含酒精同不含酒精，共有8款，另外有4款沙律同5款小食，飲品方面除左一般汽水之外，餐廳亦提供左樽裝啤酒同埋香港手工啤酒，餐廳不設加一，Burger價錢由$68起，跟餐配薯條同飲品只需加$18，我估大部分客人都會轉套餐，不過因為老婆唔飲凍飲，所以我地兩個點左一個套餐另外再加左款小食兩個人share食。😊
Whiskey Wagyu Beef Burger威士忌芝士和牛手打漢堡 $83
第一次來Tipsy Burger當然要先試試就係主打含酒精嘅Burger，而當中比較有人氣嘅就係呢款威士忌芝士和牛手打漢堡，個漢堡賣相唔錯，除左加左Whiskey，漢堡仲插上左一枝裝左Cocktail嘅Test Tube，食客可按個人口味增強Burger嘅酒香味。一切開就見到呢塊和牛手打漢堡真係好多汁，和牛手打漢堡大概五成熟，入口和牛味香濃，漢堡包面烘至薄脆，非常鬆軟而且富有牛油香味，加上新鮮厚切蕃茄芝士，味道層次超豐富，我地兩個人share食都好滿足。😍
Truffle chips with cheese & Soft Drinks黑松露芝士薯條 & 罐裝飲品 +$18 (Set Combo)
Burger加$18跟餐的黑松露芝士薯條份量都好多，薯條比較厚身，食到啖啖薯仔肉同埋好濃嘅黑松露味，上層加左好多芝士醬，基本上唔需要沾茄汁都已經非常滋味。😋
Nachos with Avocado牛油果醬玉米片 $58
單點的牛油果醬玉米片份量比跟餐的黑松露芝士薯條更多，玉米片非常脆口，配上香滑嘅牛油果醬，加強生蔥嘅微辣，非常惹味可口。👍🏻
Tipsy Burger無論漢堡同小食份量都比較大份，基本上一個女士應該都唔會食得哂一個套餐，我同老婆share每人半個漢堡同小食都已經飽到要捧住個肚走。
張貼
