Ikigai Concepts (已結業)

今次黎到呢間位於荃灣，有成萬呎既日本餐廳食好野！餐廳分咗幾個部分，有lounge、omakase、煮物區！而今次就同朋友黎食套餐！和風柚子水牛芝士沙律沙律拌入柚子醬，酸酸味味，上面有車厘茄同埋水牛芝士粒，夠哂清新！三文魚籽鮑魚天使麵天使麵拌入左沙律醬，鮑魚爽口，三文魚籽份量都幾多，口感豐富！壽司五貫壽司有赤身、左口裙邊、甘海老、真鯛同埋深海池魚！刺身魚都好新鮮，而且壽司飯已經有味，唔點豉油都已經好鮮味！清酒煮蜆酒味都幾濃，蜆肉都幾多，唔錯！串燒有冬菇、免治雞肉棒同埋蝦，全部都用上炭燒，所以味道好香！美國肉眼稻庭烏冬牛肉片半生熟上到枱，烏冬煙煙韌韌！最後仲有雪糕收尾，正呀！