堅石燒 (已結業)

今次第一次跟朋友嚟食呢間熱石燒，食扒好吸引，而朋友好鐘意呢度既半自助餐形式，只要加多少少錢，飲品、湯品、粉面、沙律都係自助任拎任食架，至於酒類飲品就再另加錢，不過價錢都唔合理既。朋友極度推薦呢度既意粉好好食，貪佢唔洗汁已經好香好入味，佢一次可以食足四碗😁😁扒類方面可以揀一個主食，有牛、豬、雞、魚，期間限定有龍蝦。最開心係佢有平有貴，由100-300幾不等，價錢嚟講好抵食。當晚試左200g大理石加龍蝦，味道賣相都唔錯。雞扒真係勁大塊，一上枱好震撼😆 如果想平日平平哋鋸下扒，呢間真係優質之選。