花園餐廳 (已結業)

老字號花園餐廳，唔少香港人必定食過！點咗個蝴蝶扒牛扒，附餐送套餐包餐湯、餐包以及餐飲。唔好以為唔夠食，其實餐湯以及配菜份量好足，細食嘅人可能食完都有啲飽肚。鋸扒前，會有侍應幫你倒上醬汁，鐵板夠熱，可以令醬汁滲透到肉扒裡。蝴蝶扒份量好足，扒中間最厚肉又有嚼勁，而肉汁最多，香味非常濃郁，肉質軟實適中，唔會有多餘嘅根。扒兩旁位置比較薄，但呢個位好好食，因為夠軟綿，容易入口，口味好正，啱晒中意食軟扒嘅我！我揀咗薯條做配菜，同傳統餐廳薯條賣相差不多，炸得香又夠脆，好滿足！