武士拉麵 (已結業)

今日又要入黎九展開會，上次食過板上覺得麻麻地，就上openrice 睇下有咩好介紹。見到呢間武士拉麵好似幾好就試下，點知行左成大個圈先搵到，都幾唔近其他食店。一入到去，諗住叫個拉麵，但侍應姐姐同我講有個限定既咖哩吉烈豬扒飯，仲話即叫即炸。佢講到咁，我就試下喇。一上枱，睇得出真係即叫即炸，扺讚👍🏻食落味道算正常，講真$5x 幾蚊唔可以要求太多。咖哩汁係日式，甜味多過辣味，唔錯唔錯。成碗野最大既敗筆就係飯🤦🏻‍♂️，好硬，直頭有d似生米咁，食左幾啖就食唔到喇。