La Postre (永樂街) (已結業)

自己team farewell assistant，阿仔想食西餐，於是有人提議永樂街間「綠色橙」，不過search下時發現樓上有間食窩夫，負責訂檯既窩夫怪隊長有私心地訂左呢間。一入到去⋯⋯都幾嘈，可能樓底唔高，又有一檯大檯叫晒Sangria，好high甘。我唔駛睇餐牌都一定係叫窩夫，其他同事就叫左炭燒雞黑松露飯、鰻魚甜薯飯、芝士菠菜汁菠菜麵。先上個湯同包，係青豆湯，討厭青豆的一定唔飲，不過我接受到，有青豆味，不過唔知點解個湯看似好杰，其實好稀，跟湯的蒜蓉包好味，好多香草，如果可以熱d仲好。到我既窩夫上檯，都擺得幾靚，有個沙律，窩夫係心形的⋯⋯不過就得1/4份，真係都幾細份，窩夫係夾左黑毛豬同芝士，餡既份量都ok，唔孤寒，黑毛豬就唔係好重油份，但都唔錯，咸火腿既關係，所以都有配番蜜瓜清一清口果陣咸味，個窩夫係麻糬窩夫，所以食落會煙煙靭靭，都幾好味。至於其他同事的⋯⋯炭燒雞黑松露飯d雞過甜，鰻魚甜薯飯配搭怪怪的，芝士菠菜麵好寡⋯⋯還是食窩夫穩陣d。跟餐既甜品，疑似紫薯，但食唔出係咩味；餐飲揀左咖啡⋯⋯等左好耐，不過杯咖啡酸酸地既！？