影片
更多
2008-08-04
37 瀏覽
昨天細佬生日, 一家人走咗去歡喜樓幫佢賀壽. 本來流浮山係我家嘅御用食點; 但係屋企人多, 齋計生日吃飯, 每年都去7~8次, 仲未計其他節日tim.聽到二細佬話之前同朋友去歡喜樓食過飯, 佢出名嘴刁都話唔錯喎, 緊要去試.一去到就見到一個牌坊大大隻字"歡喜樓", 有d覺得攪笑; 但是最好嘅係有不設劃位免費泊車, 泊滿即止......服未!我哋8個人, 叫咗8餸1湯4個靚仔再+五碗甜品.1. 豉油雞--入味, 不太咸, 肉嫩皮滑.(屋企人吃雞好閹尖, 極少會食晒成隻雞, 今次食晒~勁)2. 例湯 -- 老黃瓜湯, 無味精, 我個退休大廚老豆都飲咗2碗, d豬肉湯渣點豉油, 甘味 3. 咸菜胡椒豬雜 -- 原來係有湯o架, 仲正過個例湯, 好香胡椒味, 咸菜應該有過水,無醃菜嗰種霉味, 唔太咸, 豬雜無騷味又夠淋. 讚!4. 咕嚕蝦球 -- 可以送飯, 醬汁酸甜味剛剛好, 無攻鼻嘅酸醋味, 蝦球有落粉過油再回鑊, 正!5. 冰陣芥蘭 -- e+唔當造, 不過佢哋好細心咁將老咗嘅部切去, 再片去有根部份, 總之你唔會食到有根囉~ 個汁唔係豉油咁少, 仲加咗d甜醋落去, 食起嚟...
聽到二細佬話之前同朋友去歡喜樓食過飯, 佢出名嘴刁都話唔錯喎, 緊要去試.
一去到就見到一個牌坊大大隻字"歡喜樓", 有d覺得攪笑; 但是最好嘅係有不設劃位免費泊車, 泊滿即止......服未!
我哋8個人, 叫咗8餸1湯4個靚仔再+五碗甜品.
1. 豉油雞--入味, 不太咸, 肉嫩皮滑.(屋企人吃雞好閹尖, 極少會食晒成隻雞, 今次食晒~勁)
2. 例湯 -- 老黃瓜湯, 無味精, 我個退休大廚老豆都飲咗2碗, d豬肉湯渣點豉油, 甘味
3. 咸菜胡椒豬雜 -- 原來係有湯o架, 仲正過個例湯, 好香胡椒味, 咸菜應該有過水,無醃菜嗰種霉味, 唔太咸, 豬雜無騷味又夠淋. 讚!
4. 咕嚕蝦球 -- 可以送飯, 醬汁酸甜味剛剛好, 無攻鼻嘅酸醋味, 蝦球有落粉過油再回鑊, 正!
5. 冰陣芥蘭 -- e+唔當造, 不過佢哋好細心咁將老咗嘅部切去, 再片去有根部份, 總之你唔會食到有根囉~ 個汁唔係豉油咁少, 仲加咗d甜醋落去, 食起嚟...冰.脆.咸.酸.甜, 幾得意.
6.招牌秘製骨 -- 呢個正~~豬肋排大約6x7吋原塊炆淋上碟, 中間d軟骨都淋o架, 再淋上混有沙爹醬嘅燒汁, 唔該一碗白飯......
7. 豉汁蒸鱔 -- 我唔好, 無食, 不過比其他人清碟.
8. 金銀莧菜 -- 一樣無味精, 菜唔會太淋, OK味.
9. XO醬炒牛柳粒 -- 有少少辣, 夠香, 不過牛肉係普通雪藏柳肉, 一般啦!
最攪鬼係佢有番鬼佬甜品: 心太軟, 木糠布甸, 杧果布甸, 榴槤pancake....當然緊有中式甜品啦! 因為太飽, 食唔落, 只係叫咗2個木糠布甸,2個杧果布甸同白果腐竹雪耳糖水嚟試..哦~全部都唔太甜, 食飽飯後再食呢個甜度剛好, 仲有果盆送o架~
仲有~呢度雖然唔大, 大約30枱, 但係樓面得果十隻手指都有多嘅人做嘢咋! 你一邊食, 會一邊喵到好多黑影係身邊飛過.....係~飛過唔係飄, 飄太慢喇~!因為人太少, d唔知係部長定侍應全部都係用跑嘅...幾十歲人, 幾有活力. 不過又唔驚倒瀉餸喎, d傳菜係行嘅. 雖然人少, 但一樣無黑面, 仲會自動波, 周圍搵吓邊度要沖水, 換碟.....
行到出門口, 見到個細路攞住個食剩紙托嘅"心太軟"仲係咁刨......下次一定要試
總之你一邊食住d咁好味嘅餸, 一邊睇佢哋為兩餐4圍騰, 就會覺得呢間酒樓好有"heart"囉
張貼