影片
更多
2023-03-11
306 瀏覽
點了午市398二人餐，包點心2件、燒味2件、羹一碗、海鮮（帶子一隻）、菜一碟及飯一碗每樣少少可謂入門版的testing menu。食材是靚的，但調味真心麻麻，個羹足料但好淡味，個海蜇頭太入味鹹左少少，最正是叉燒，半肥瘦又鬆軟又入味，點心料是新鮮但味道″蘇蘇″地有點怪，元貝夠大隻good, 碟菜中規中舉但D肉鬆同菜鬆跌埋左一面唔係放中間賣相唔太靚，飯是軟飯，茶是順滑幾好飲。服務方面完全match唔到佢想做既檔次同開在海港城客人期望的服務。首先食「位上」一人一碟的餐食過好多間其他餐廳一般都是會放在食客中間的，但佢上完前菜後其他菜式就放在一旁算（明明中間位是空著的），最慘是伙記冇人記得個餐包2碗飯，食剩碟菜等左半小時都冇飯送上，其實佢個套餐設計都怪怪地，元貝同菜送飯吃感覺怪怪的，睇番menu佢最應該一開始就送上飯最恰當，起碼有叉燒送飯又唔會唔記得。其實開左2個月都咁既服務有D搞笑，觀察下周圍都幾歡樂，有D切片皮鴨雞手鴨腳，有D分龍蝦彈晒D汁出來，分完拿手機影相打完卡先俾個客食，又成日記錯枱送錯點心同茶，激親眼鏡經理（離遠都聽到佢指導員工）。有個眼鏡姐姐同另一個短髮姐姐較醒目，主動加茶及觀察到
食材是靚的，但調味真心麻麻，個羹足料但好淡味，個海蜇頭太入味鹹左少少，最正是叉燒，半肥瘦又鬆軟又入味，點心料是新鮮但味道″蘇蘇″地有點怪，元貝夠大隻good, 碟菜中規中舉但D肉鬆同菜鬆跌埋左一面唔係放中間賣相唔太靚，飯是軟飯，茶是順滑幾好飲。
服務方面完全match唔到佢想做既檔次同開在海港城客人期望的服務。
首先食「位上」一人一碟的餐食過好多間其他餐廳一般都是會放在食客中間的，但佢上完前菜後其他菜式就放在一旁算（明明中間位是空著的），最慘是伙記冇人記得個餐包2碗飯，食剩碟菜等左半小時都冇飯送上，其實佢個套餐設計都怪怪地，元貝同菜送飯吃感覺怪怪的，睇番menu佢最應該一開始就送上飯最恰當，起碼有叉燒送飯又唔會唔記得。
其實開左2個月都咁既服務有D搞笑，
觀察下周圍都幾歡樂，有D切片皮鴨雞手鴨腳，有D分龍蝦彈晒D汁出來，分完拿手機影相打完卡先俾個客食，又成日記錯枱送錯點心同茶，激親眼鏡經理（離遠都聽到佢指導員工）。有個眼鏡姐姐同另一個短髮姐姐較醒目，主動加茶及觀察到客人意向，例如眼鏡姐姐看到我自行拿帶子碟會立刻主動前來提出由佢將帶子上碟及短髮姐姐看到我望下周圍會上前問有咩事再拿走佢同事送錯的茶搬到對的枱上。
行出行入經開放廚房，雖然帶口罩是自由的，但做飲食業前枱始終俾人睇到對食物冇戴口罩有點冇咁好。
溫馨提示：觀察到周圍枱枱都查單所以都pay attention左，個餐包2碗飯但唔知點解收多我兩位飯錢40蚊，好彩睇清楚。
餐廳優點：環境靚又好坐，適合聚餐，話貴唔貴，話平又唔平咁
p.s 雖然佢係美心集團下，但冇得儲yuu分。
張貼
