炭火地雞 (已結業)

今餐真係好正💓我地好鍾意食燒鳥，炭火地雞係少有用料靚嘅餐廳。佢地特別使用本地出產嘉美雞，而所有串燒都係喺備長炭上即燒。每款都好吸引，份量亦啱啱好，唔會太多太少。今晚嘅亮點一定係全部雞串！免治雞肉棒鬆軟、雞味濃郁，淋上自家製照燒醬汁，再配上混合左醬汁嘅日本蛋黃，好好味。另一款美味嘅菜式係提燈，呢個少有部位係雞嘅輸卵管加未受精蛋，塗上特製醬汁，烤得啱啱好。和牛雞內卵亦好特別，餐廳有唔少喺香港少見串燒揀🫶服務方面亦好出色，由踏入店家到埋單店員都好有禮貌同高效率。好適合鍾意放工後去放鬆chill下嘅大家🫶