影片
更多
2018-11-09
49 瀏覽
陪老細在佐敦見完客，佢話順便揸車兜去廖孖記腐乳皇買腐乳。泊低架車，買完嘢，見隔籬開咗間新嘢，主打火鍋和小菜，夜晚10點之後，仲有做埋串燒，呢個店主真係多才多藝。老細話不如試下，我當然無問題啦。入到去，感覺好有居酒屋feel，仲有一班人正在開生日會，好熱鬧好開心。聽店主興哥說，呢度歡迎熟客搞聚會，鍾意食咩都可以特別安排。店主興哥好健談，滿場飛招呼人客，睇得出佢係嗰種客人食得開心，佢會更開心嗰種人。同老細兩個人沒有食火鍋，只是點了小菜，包括水煮桂花魚、豉油皇海蝦、薑蔥日本蠔，加個刀拍青瓜和一枝藍妹。因為老細揸車，所以要就住飲，一枝啤酒飲到尾。【刀拍青瓜 $48】青瓜好新鮮，真真正正用刀拍開，然後拌入麻辣椒油和生蒜，味道清新之中帶少少麻辣味，而青瓜就非常爽脆。店主興哥話，要做到咁嘅爽脆口感，唯有一個法門，就係用刀拍。【豉油皇海蝦 $108】一份有10隻大海蝦，一睇就知係新鮮嘢，蝦肉結實唔霉無黐殼。豉油汁收到剛剛好，啜起蝦殼時，感到非常滋味。仲有就係，啲豉油，還輕輕滲入到蝦肉內，食起上來，既有鮮蝦味，亦有豉油香味。【薑蔥日本蠔 $108】薑蔥爆得夠鑊氣，日本蠔新鮮唔腥，炸漿夠薄，炸起來外皮脆而
陪老細在佐敦見完客，佢話順便揸車兜去廖孖記腐乳皇買腐乳。泊低架車，買完嘢，見隔籬開咗間新嘢，主打火鍋和小菜，夜晚10點之後，仲有做埋串燒，呢個店主真係多才多藝。老細話不如試下，我當然無問題啦。
入到去，感覺好有居酒屋feel，仲有一班人正在開生日會，好熱鬧好開心。聽店主興哥說，呢度歡迎熟客搞聚會，鍾意食咩都可以特別安排。
店主興哥好健談，滿場飛招呼人客，睇得出佢係嗰種客人食得開心，佢會更開心嗰種人。
同老細兩個人沒有食火鍋，只是點了小菜，包括水煮桂花魚、豉油皇海蝦、薑蔥日本蠔，加個刀拍青瓜和一枝藍妹。
因為老細揸車，所以要就住飲，一枝啤酒飲到尾。
【刀拍青瓜 $48】
青瓜好新鮮，真真正正用刀拍開，然後拌入麻辣椒油和生蒜，味道清新之中帶少少麻辣味，而青瓜就非常爽脆。店主興哥話，要做到咁嘅爽脆口感，唯有一個法門，就係用刀拍。
【豉油皇海蝦 $108】
一份有10隻大海蝦，一睇就知係新鮮嘢，蝦肉結實唔霉無黐殼。豉油汁收到剛剛好，啜起蝦殼時，感到非常滋味。仲有就係，啲豉油，還輕輕滲入到蝦肉內，食起上來，既有鮮蝦味，亦有豉油香味。
【薑蔥日本蠔 $108】
薑蔥爆得夠鑊氣，日本蠔新鮮唔腥，炸漿夠薄，炸起來外皮脆而且鬆化。
日本蠔好肥美，口感一流。
【藥膳豬手】
這個豬手是店主興哥臨時積極推介的，係一個好滋補的小食。聽到 “滋補” 兩個字，我老細即時為之動容。
味道方面，都幾重當歸味和紹興酒香。豬手食落唔肥膩，炆得好腍，充滿骨膠原。老細大讚。
【水煮桂花魚】
期待以久的水煮桂花魚終於出場，麻辣香氣四溢。我哋只叫了中辣，免強抵擋得住個麻辣度。店主興哥話，其實麻辣度不限於大、中、小程度，只要客人喜歡的話，可按客人口味作出加減來配合。真係體貼!
一滾起，我哋就熄爐，以免魚肉過份熟變老。桂花魚肉好新鮮，肯定是游水的。的確好鮮美。
不單只係咁，鍋內還有新鮮海帶、蒿筍及薯粉，非常有益，嗦咗麻辣魚鮮湯之後，非常好食。基本上，二人吃一個水煮魚鍋都夠飽。
老細總結: 食材新鮮，味道好! 搵日要OT做晏啲，收工來食埋串燒。
張貼
