茶涮涮 (已結業)

之前朋友食過呢間，推介我黎，果然冇介紹錯!係銅鑼灣地鐵站過黎都好方便，5分鐘內就到。鋪名茶涮涮，當然要試下佢既火鍋啦。點了犇盛合! 比想像中都幾多道菜! 食完沙律，就會有刺身三點，今日係三文魚， 吞拿魚同埋油甘魚。油甘魚肉質彈性、魚油香濃! 每款剌身都係勁厚切! 火鍋湯底 - 瀨戶內海檸檬塩麴湯鍋之前未食過呢款湯底，睇落清清地，火鍋咁食好清爽不膩。肉類方面，每款都好唔錯，油脂岩岩好，唔會過肥。美國無激素春雞真係同平時食到既好唔同，更濃雞味，又唔會係雪藏味重。海鮮就有，野生虎蝦 / 特選帆立貝 / 時令海魚。虎蝦好大隻，碌完都唔會縮曬水。帆立貝睇圖都見到好新解，又大粒! 仲有海魚，平時我好怕魚腥，呢款完全唔會，我仲食左大部分! 肉質唔鬆散，而且鮮甜。野菜盤好大! 有金菇、粉絲、豆腐、南瓜、娃娃菜、大豆芽等等。最後一定要食個稻庭烏冬作結，好滿足。