柏 (已結業)

間唔中都要對自己好啲😆豪下所以黎尖沙咀食好野🤪✨刺身二人盛合🐟 （5點） $320盛合一共有刺身5點，包括金木鯛、煙燻鰹魚、油甘魚、深海池魚同赤貝🤩刺身勁新鮮，表面亮澤，肉質結實有彈性✨鮟鱇魚肝🐠 $88魚肝一打開有一陣好強烈嘅煙燻味😳而且啲煙一陣陣飄出黎要即刻影低打卡📸口感軟滑，人稱海底鵝肝😆個汁有少少似滷水嘅味道✨日本豚腩肉$42 、雞腿肉$38、手羽先 （兩件）$38、雞腎$38🍗四樣野鹽燒火候剛好，唔會太油亦唔乾。另外可以自己加七味粉/山椒粉，個人就鍾意兩樣都加，山椒粉令串燒香味更突出，帶少少檸檬味，惹味。豚腩肉肥瘦均勻，帶脆邊，朋友話好正😆✨蘆筍$30 、雞脾菇🍄$30蘆筍爽口又夠嫩；雞脾菇多汁唔乾✨辣吞拿魚卷🍣$128除左一片吞拿魚係上面，on top仲有吞拿魚腩蓉，成個卷物都落足料，勁豐富，橙色嘅醬帶少少辣味，風味十足✨A4和牛壽喜燒🍲$388第一下見到呢個價錢覺得幾抵😝份量適中，一於叫黎試下，呢個價錢真係抵食👍🏻和牛雪花紋好靚，邊位油脂較多，先煎香大蔥同洋蔥然後就可以加壽喜燒湯底落底落去，滾起後再放和牛，輕輕灼一灼就可以蘸無菌蛋食，入口即溶🤤最後再加野菜，吸晒湯底勁入味